~{لها فزيت}~(بقلمي)

بسم الله الرحمن الرحيم
مسآكم / صبآحكم ورد وجوري
انا اول مره اكتب روايه وانشاء الله تعجبكم وابي اشوف تقيمكم عليها اواصل في كتابة الروايه ولا لا...؟!
طبعا الروايه تتكلم عن احداثي انا واذوب وخجوله يعني من الواقع مو من الخيال

يالله نبدأ

~{لها فزيت}~

قبل ما نبدأ الروايه نتعرف بعائلة ابو فهد
ابو فهد:شخص كبير بالسن تآجر معروف بالدمام وله شركه يديرها مع اخوانه
أم فهد:أمرأه طيبه تزوجت من ابو فهد وكانت صغيره بالسن واللي يشوفها يقول عنها مو ام عيال لاربع فهد: ولدهم الكبير عمره ٢٦ جذاب ووسيم بس عصبي بزياده وبعض الأحيان يكون حنون كمل جامعته ويشتغل مع ابوه بالشركه
فيصل:عمره٢٣ يدرس بالجامعه قسم هندسه طلع على اخوه بالجمال ومجنون بنت عمه العنود بس هي ماتدري عنه
فجر: اختهم الوحيده عمرها19 خلصت الثانوي وقاعده بالبيت ومالها نيه تكمل حبوبه لدى الجميع وإجتماعيه بالمره وتملك من حلاوة اخوانها بس مجنونة نت
فواز:أخوهم الصغير عمره 18 اخر سنه بالثانوي مزيون مره خفيف دم واكثر الأوقات في الراشد يقزقر بنات خلق الله هو ولد عمته ناصر
ابو سلطان:اخو ابو فهد
يشتغل مع اخوه بالشركه
ام سلطان:اخت ام فهد طيبه بالمره وعلى نياتها
سلطآن: عمره بعمر فهد بس بينهم شهرين ويداوم مع الوالد بالشركه ومشهور بوسامته وغمازاته اكثر شي قريب من فهد وأكثر الأوقات مع بعض
العنود: عمرها20بنت حلوه وماتهتم إلا بالدراسه
جنى:عمرها19 جميله بالمره ومواصفاتها تميل لفجر ودايم مع بعض سواء بالتلفون او على الماسن
خالد:اخو ابو فهد وابو سلطان الصغير ومايفكر بالزواج ابدا ودايم مع فهد وسلطان
ام طلال:اختهم ارمله توفى زوجها وهو حاج
طلال: عمره 23 ويدرس مع فيصل
طيف: عمرها22 ومخطوبه لولد عمها ماجد
ناصر:مايحتاج اعرفه لانه نفس مواصفات فواز
يالله نبدأ..:
في الصباح الساعه ست صحت ام فهد توضت وصلت وراحت تصحي العيال للدوام
واثناء وهي ماره قالت: في نفسها امر على فجر
طبعا فجر مسنتره على النت ولو امها تدري كان ورتها الويل
ام فهد: يمه فجر إنتي صاحيه
على طول سمعتها فجر حذفت كل اللي بيدينها وركضت لعند امها
فجر: ايوه صليت الفجر وعقبها ماجاني النوم
ام فهد:ليه حبيبتي فيك شي
فجر:لالا مافيني شي
ام فهد:متأكده
فجر:متأكده ونصين بعد
ام فهد:طيب دامك صاحيه تعالي معي عند خالتك ام سلطان بعد ما نفطر
فجر:اوك بس إذا جنى ردت علي بجي معك إنتي اسبقيني لتحت
ام فهد:طيب بروح اصحي اخوانك
راحت فجر تتصل على جنى وكانت يالله تفتح عيونها تبي تنام ردت عليها جنى
جنى:ياصباح الخير والاحساس والطيبه
فجر:ول ول ول كل هذا لي وش عندها مروقه
جنى: ههههههه إذا تبين تعرفين متى اروق إذا كنت مسنتره على النت
فجر:هههه الله يرجك ياشيخه
جنى:وياك يارب هههه
فجر: لالالا عاد انا ابي اعقل
جنى:هاهاها تعقلين حبي كوعك
فجر:ابوك يالتحطيم
جنى:هههه المهم لا يكثر وش عندك داقه
فجر:ياشينك مصرع انقلبتي علي المهم بجيك بعد شوي
جنى: والله
فجر:يب ليه مو مصدقه
جنى:لا مو عن بس فيني نوووم
فجر:اصلا ماجيت عشان سواد عيونك بس عشان خاطر امي يالله جهزي فراش وجهازك عشان نصرقع عليه شوي
جنى:مادام فيها صرقعه من عيوني
فجر:هههه ياحبني لك وله يالله سي يو
جنى:سي يآه
راحت فجر تتروش وطلعت و كانت محتاره وش تلبس واخيرا اقتنعت بمظهرها و نزلت تحت وكالعاده الاهل تحت
فجر:صباح الخير
الكل:صباح النور
فهد:وش عندك مبكره
فجر خافت منه: ايه صليت وماجاني نوم
فيصل:حلفي بس اخاف كنتي ع النت
فجر:وانت شكو
فيصل:اهاا يعني ماجاكي النوم
فهد:فجر إن دخلت عليك فجأه وإنتي عليه ياويلك مني
فجر:إنشاءالله
فيصل:ياعيني ع الأدب
فجر:واللي يرحملي والديك اسكت
ابو فهد حس الجو بيكهرب:اقول إنتي وياه الى متى تتهاوشون وش خليتو للصغار
فجر وهي تدلع : يبه هو اللي بادي وإلا انا ياحلاتي
فيصل:إن كيدهن عظيم
ام فهد: الله يصلحكم
فهد:يالله انا طالع
ابو فهد:خذني معك
فهد:إنشاءالله يالله يمه تامريني ع شي
ام فهد:سلامتك يمه انتبه ع عمرك
فهد:يالله مع السلامه
وطلعو وطلع فيصل وراهم وهو ماد لسانه ع فجر
فجر:يمه وين فواز
ام فهد: مع ولد عمتك من امس
فجر:تكفين يمه اقنعيه
يخف من طلعاته ويهتم شوي بدراسته
ام فهد:والله حاولت معه بس الله يهديه
فجر:امين إلا متى نروح
ام فهد:نستنى عمك يطلع
فجر:اجل خلاص انا بطلع فوق اللين تخلصين

في بيت ابو سلطان
الكل يفطر ماعدا جنى
العنود:يمه غريبه جنى صاحيه
ام سلطان: علشان خالتك ام فهد وفجر بيجون
العنود:اها دام فيها فجر
مارح بقول شي
سلطان وهو مسرح: ياحبني لها فجر من زمان عنها اشتقت لها و لخبالها
العنود وهي تخرب عليه: يالحبيب و ين رحت
سلطان وهو يتأفف:
ياحبك للتخريب
العنود:اللي ماخذه عقلك تتهنى بها
سلطان:ارتاحي محد ماخذ عقلي
العنود:عيني بعينك
سلطان:وبعدين
العنود:يؤيؤيؤ وش فيك قالبها نكد
سلطان:ابد مافي شي
العنود:ع العموم يمه انا تأخرت مع السلامه
ام سلطان:في امان الله يمه وإنت ياسلطان ماوراك دوام
سلطان:إلا وراي بس مو اللحين
ام سلطان:خذ راحتك يمه وانا بروح اتصل ع خالتك ام فهد
سلطان: خذي راحتك

وراحت ام فهد وفجر لعند اختها دخلو وقعدو سوالف وضحك
شوي قالت فجر:خاله وين جنو
ام سلطان:فوق ياعمري ارقي لها فوق
وكان سلطان سامع كل شي وقال في نفسه:لازم اسوي نفسي مو منتبه وانصدم بها
فجر:خلاص برقى لها
وأثناء فجر وهي طالعه كان قلبها قابضها وكانت حاسه ان بيصير شي
فجأه انصدمت بواحد طويل ورفعت عينها لفوق تبي تناظر الا سلطان كان مبتسم واكثر شي شد انتباه فجر غمازاته
وسلطان كان منبهر بجمال فجر وهو يقول في خاطره:والله وكبرتي يافجر واحلويتي
وعم الصمت بينهم
فجأه تسمع فجر صوت جنى وخافت فجر فراحت ركض وسلطان كان مسرح
وهونازل تحت سلم ع خالته واستأذن منهم بسرعه يبي يجلس لحاله شوي ويتذكر شكل حبيببة القلب

صح ان فجر انهبلت عليه بس ما اهتمت
جنى:شوفي ذا خقق بالمره
فجر:يالبى خراطيش قلبه
جنى:ولا ردوده ع مواضيعه
فجر:سهله
جنى:شنو اللي سهله
فجر:خليك مثلي انسخي أي موضوع واحد والصقيه
في قوقل وشوفي الردود
جنى وهي تشهق:وانا اقول يمه من فجر عليها ردود تجنن الواحد فجر:ههههه اجل وش تحسبين المهم خلينا ندور ايميله ابي اضيفه عندي
جنى:هههه يالله
فجر:قطيعه مافي شي
جنى:اخس والله انه رزين
فجر:عاتي بحط ايميلي وبرد ع اخر مواضيعه من شان يشوفه
جنى:ههههه ما اتوقع اقولك رزين
فجر:لا إنشاءالله
جنى:نشوف

وفي الليل كان فواز في غرفته يتقلب ع الفراش وسمع صوت جواله يدق
فواز:الوو
ناصر:سلام يا ابو حمد
فواز:هلاهلا
ناصر:وش تسوي
فواز:ابد جالس اتقلب ع الفراش ومو راضي يجيني نوم
ناصر:اهاا ايه تعال
فواز: وين اجي بيتكم ههههه
ناصر:هاها لا بحضني
خخخخخ
فواز:ياخفة دمك مآتنفع ولاكان جيت
ناصر:اصير لك بنت
فواز:يالبييييه بس مآيخارج
ناصر:خلاص بتنسيني وش ابغى اقول وش رايك نهرب بكره من الحصص الأخيره
فواز:إنت صاحي
ناصر:لانايم ايه عادي انا بهرب من فصلي وبجي بهربك ماتخاف
فواز:طيب هربنا من الفصل المدرسه كيف بنهرب منها والحارس قدامنا
ناصر:افآ عليك بنعطيه حليب سعوديه بخشيش
فواز:هههههه كفو والله
ناصر:اعجبك.لا من جد لاتشيل هم الحارس
فواز:خلاص نشوف
ناصر:اوكيه اجل ارجع تقلب
فواز:اوك باي
وفي ناحية ثانيه من بيت ابو فهد
غرفة فجر
فجر كانت تنزل مواضيع بالمنتدى جتها إضافه ع الماسن
فجر في نفسها تقول:الله الله وش ذا الايميل اوافق ولالا
وبعد حيره وافقت
_بكت الشوارع من القهر اللي فيني:السلام عليكم
_يمر اسمك ع لساني احس بلذة السكر:هلا عليكم السلام منو؟!
_بكت..إلخ: الله وش هالدفاشه ع طول منو! كذا بستقبلين الضيوف
_يمر..إلخ:هههه <<إنحرجت
هلاهلا ومرحبا الله حيه تو مانور الماسن شاي عصير قهوه اش تشرب هااه رحبت فيك ولا المفروض ما ادخل ولا ارحب بغرباء بس شكلك Vip هاه منو معي؟
_بكت: طيب لاتدفين
_يمر:هههه طيب
_بكت: لوعة العشآق
فجر وهي كانت تشرب ماي غصت
_يمر:انت مدييير المنتدى
_بكت:ايوه المدير شفتك اليوم وشفت مواضيعك وتعليقاتك وحبيت اتعرف عليك
_يمر: لي الشرف والله بس برب
_بكت:تيت يالغلا
فجر ع طول نقزت وتبي تخبر جنى وهي حدها مبسوطه
بس جنى كانت برى الغرفه
فجر:يوووه وينه ذي اقول برد للغلا احسلي
_يمر:باااك
_بكت:احلى باك وينك تأخرتي
_يمر:سوري بس كنت عند امي
_بكت:طيب ابعدي عنا الرسميات وخلينا نقط الميانه اوك
_يمر:اوكيشن. كم عمرك ووين ساكن وش تشتغل؟
_بكت:هههه احسك شوي وتبلعين لسانك شوي شوي
_يمر:ههههه معليش طبعي كذا
_بكت:خذي راحتك يالغلا
فجروبخاطرهااروح وطي
يمر:تسلم
بكت:طيب اسمي تركي وعمري٢٥واشتغل مع الوالد وساكن بالرياض وبس وإنتي
يمر:والنعم والله
تركي:ينعم بحالك
يمر:طيب اسمي مها وعمري٢٢ وقاعده بالبيت وساكنه بالدمام
تركي:اهاا
وقعدوا يسولفون اللين الفجر
في صباح اليوم الثاني بالشركه كان فهد يرتب
بعض الأوراق شوي إلا وعمه خالد داش عليه
خالد:سلام
فهد:ياهلا وعليكم السلام تو مانور مكتبي
خالد:اكيد منور بوجودي
فهد:خخخخ يالواثق
خالد:اكيد واثق وش حلاتي وش زيني
فهد:مشكلتك الثقه الزايده
خالد: ايه ثقه عميا بعد
فهد: اجل انتبه لاتطيح علينا
خالد:هههههه إلا اقول وش علوم سليطين
سلطان وهو داش: اعترفوا احسن لكم ليكون حشيتوا فيني
فهد:الطيب عند ذكره
خالد:إيه والله مستحيل نحش فيك يالغالي
سلطان: إيه اشوا
شوي وجوال فهد يدق: ياهلا وغلا بالغلا كله
رغد:هلا بك~طبعا رغد خالة فهد وسلطان مو متزوجه واخر العنقود وعمرها ٢٣~ كيفك وكيف دنياك
فهد:والله الحمدلله ابشرك اموري كلها طيبه.إنتي كيفك
رغد:بخير وعافيه مانسأل إلا عنكم
سلطان:اقول فهد منو تكلم من ورانا
فهد: حبيبة قلبي
رغد عرفت ان سلطان موجود وماكانت تدري بوجود خالد
رغد:اقول فهود حط اسبيكر ابي اكلم سلطان
فهد:مايصير احط لان عمي خالد معنا
رغد حست بإحراج :اها طيب المهم سلم لي ع سلطان وحسسه ان وراه خاله
فهد:يوصل انشاءالله
يالله فمان الله
رغد:في حفظ الرحمن
فهد:سلطون ترى خالتي رغد تسلم عليك وتقول إنها عتبانه عليك
سلطان: والله إني مقصر بس ربك يعين
خالد كان ساكت ويسمع كلام العيال وحس بشعور غريب وفجأه تذكر حبيبة طفولته بنت خالته نوف كانو دايم مع بعض يومهم صغار وكبروا وكبر حبهم بس للاسف ابوها زوجها لولد عمها غصب وخالد نفسيته تعبت وكره الحريم من بعد نوف
سلطان:يالحبيب وين رحت
خالد:هااه لا معاكم
فهد:واضح معنا
سلطان:منهي ماخذه عقلك ههههه
فهد:ههههه حرام عليك لا تحرجه
خالد:اقول انتو وياه ماحد ماخذ عقلي استريحوا
سلطان:ماشاءالله مبين عليك
خالد:اصلا وش مقعدني معاكم
فهد:ليكون زعلت نمزح معك
خالد:لا مازعلت بس اخوي ابو سليطين يبيني يالله سلام
فهد وسلطان وهم مستغربين:سلام

واثناء ام فهد جالسه تتقهوى بالصاله لحالها شوي إلا تلفون البيت يدق
ام فهد:الوو
ام طلال:صبحك الله بالخير يا ام فهد
ام فهد:هلا صباح النور كيفك وكيف العيال
ام طلال:والله بخير ماعلينا مانسأل إلا عنكم إلا كيف اخوي والعيال وفجر
ام فهد:والله بخير
ام طلال:إلا ابغى استشيرك
ام فهد:تفضلي
ام طلال:والله ولد عم طيف ماجد يبي الملكه بعد شهر وانا محتاره
ام فهد:وعلى وشو تحتارين ماجد ماطلب شي وانتو توكلو ع الله
ام طلال:والنعم بالله بس لازم اخبر اخواني
ام فهد:صدقيني مارح يعارضون ولا بيقولون شي
ام طلال:اجل خلاص لا جا ابو فهد خبريه وخليه هو وابو سلطان يتشاورون و يردون لي خبر
ام فهد:إنشاءالله
ام طلال:اجل يالله مابي اطول عليك مع السلامه
ام فهد: هلا والله
طيف:يمه ترى ماله داعي إننا نستأذن لاننا ماسوينا شي
ام طلال:لازم ولا بياخذون بخاطرهم ولاتنسين انهم شايلينا عقب وفاة ابوك الله يرحمه
طيف:الله يرحمه

وفي المدرسه كان فواز
ينتظر ناصر ع احر من الجمر فجأه الا الحارس بوصالح داش:صباح الخير استاذ عامر
عامر:هلا صباحك نور
بوصالح:معليش بس بغيت فواز يطلع عنده موعد بالمستشفى
شوي وفواز بينقز من الفرحه بس مسك نفسه
عامر:يالله يافواز رتب اغراضك واطلع
فواز ع طول:إنشاءالله
وهو طالع مع ابو صالح: يالله انا هربت ناصر وهو برى ينتظرك
فواز:كفوا بولد عمتي
ولو تبي اعطيك كراتين حليب اعطيك ههههههه
بوصالح: يالله اطلع من هنا
وطلع فواز اللين شاف ناصر
فواز:تسلملي يابو متعب
ناصر:ههههه اعجبك
فواز:لايكثر اللحين وين بنروح
ناصر:والله ياطويل العمر ع الراشد
اللحين موعد العشاق
فواز:مواعد احد انت ولا تقولي ع الاقل كان خليتني اخبر وحده من السحالي اللي عندي
مو اقعد الحالي
ناصر:صبر صبر بتاكلني لعنبو دارك لا ماني مواعد احد بس معروف كل صبح بالراشد يكون موعد العشاق
فواز:وإذا يعني وإحنا شكو
ناصر:ياغبي نخرب عليهم
فواز:هههههه منت بصاحي
ناصر:هاه وش رايك
فواز: خلاص قدام
ناصر:امش ياابو الرمش

كان فيصل مع طلال بالجامعه
فيصل:اقول طلو
طلال:عنون طلو
فيصل:طلبتك
طلال:أمر
فيصل:تتغدى عندنا اليوم
طلال:والله ودي بس مواعد اميمتي واختي اوديهم السوق
فيصل:اهاا اجل خلاص هالمره سماح بس بكره تتغدى عندي
طلال:إنت تامر امر
فيصل:تسلملي يالله قوم الشباب ينتظرونا

وفي الراشد انواع الإستهبالات لدى فواز وناصرماخلو أحد لحاله
ناصر:شف شف ذي اكيد إنهالحالها
فواز:أي والله خلني اروح اتعرف عليها
ناصر:وأنا
فواز:مثل مالقيت لي وحده دور لك وحده
ناصر:أوتسيه
راح فواز لعندها والبنت كانت تتبسم لفواز
فواز:صباح النور والإحساس
البنت:هلا صباحك ورد
فواز: شكلك لحالك
البنت:امممم تقدر تقول إيه
فواز:وانا بعد لحالي
البنت:ياقلبي عليك
فواز:شفتي كيف المهم وش اسمك
البنت:هند وانت
فواز:عاشت الأسامي فواز
هند:تعيش ايامك
فواز:احس هالمكان مره زحمه خلينا ندش اي مقهى
هند:اوك
وراح فواز وهند لمقهى ستار بوكس وسوالف وضحك وناصر تعرف له ع مجموعة شباب مصرقعين

تتوقعون فجر وتركي بتزداد علاقتهم
وفواز وهند وش بيصير معاهم

وبيدخلون معنا في البارت الثاني شخصيات جديده وش بيكون مدى تأثيرهم على الأحداث انتضرو وشوفو